3. Instalación do Sistema
O Instalador de Debian é o instalador de sistemas oficial para Debian. Permite escoller entre unha variedade de métodos de instalación. Os métodos dispoñibles para a instalación no seu sistema dependen da súa arquitectura.
Pódense atopar imaxes do instalador para trixie xunto coa Guía de Instalación na páxina de Debian (https://www.debian.org/releases/trixie/debian-installer/).
A Guía de Instalación tamén se inclúe no primeiro disco do paquete oficial de discos DVD de Debian (CD/Blu-Ray) dispoñible en:
/doc/install/manual/language/index.html
Tamén lle pode interesar a lista de erratas para debian-installer en https://www.debian.org/releases/trixie/debian-installer#errata), para obter unha lista dos problemas coñecidos.
3.1. Que novidades hai no sistema de instalación?
Houbo moito desenvolvemento no Instalador de Debian dende a versión oficial anterior Debian 12, o que se traduce nunha mellor compatibilidade cos dispositivos e algunhas novas propiedades e melloras.
Se esta interesado nun resumo detallado dos cambios feitos respecto a bookworm consulte o aviso da versión para as versións beta e RC de trixie dispoñibles no rexistro de novas do Instalador de Debian.
3.2. Instalar as Mesturas Puras de Debian
Pódese acceder a unha selección de Mesturas Puras de Debian, como poden ser Debian Junior (para crianzas), Debian Science (para ciencia) ou Debian FreedomBox; directamente dende o instalador. Para máis información consulte a guía de instalación.
Vexa https://www.debian.org/blends/ ou a wiki para máis información sobre as Mesturas Puras de Debian.
3.3. Instalacións dende a nube
O equipo da nube publica Debian trixie para varios servizos coñecidos de computación na nube, incluíndo:
Amazon Web Services
Microsoft Azure
OpenStack
MV xenérica
As imaxes da nube provén pancas automáticas mediante cloud-init e priorizan un arranque rápido usando paquetes do núcleo e configuracións do GRUB especificamente optimizados. As imaxes compatibles con diferentes arquitecturas están dispoñibles onde se necesitaren e o equipo da nube pensa en espremer ao límite todas as vantaxes que ofrece o servizo na nube.
O equipo da nube publicará imaxes actualizadas ate o fin do período de mantemento a longo prazo [LTS] de trixie. Normalmente sácanse novas imaxes tras cada nova versión e tras cada actualización de seguridade para os paquetes máis importantes. As políticas de mantemento do equipo da nube pódense atopar na páxina Ciclo de vida de Imaxes para a Nube.
Máis información en https://cloud.debian.org/ e na wiki.
3.4. Contedores e imaxes de Máquinas Virtuais
Están dispoñibles imaxes de contedores de varias arquitecturas con Debian trixie en Docker Hub. Ademais das imaxes normalizadas tamén está dispoñible unha variante estilizada que reduce o uso do disco.